Fermingarfræðsla 2022 – 2023

Fermingarfræðsla Langholtskirkju stendur öllum unglingum í 8. bekk til boða, óháð trúfélagastöðu, hvort sem ferming um vorið er ákveðin eða ekki. Fermingarfræðslan er hins vegar nauðsynlegur undirbúningur fermingar.

Markmið fræðslunnar er :
– Efla almenna þekkingu á kristinni trú.
– Vekja unglingana til umhugsunar um eigin lífsskoðanir.
– Ræða og æfa okkur í leiðum til að efla andlega heilsu með íhugun og bæn.
– Gefa unglingunum tækifæri á að kynnast starfinu í Langholtskirkju.

Kynningarfundur fyrir unglingana og foreldra/forráðafólk verður í kirkjunni næsta haust, og verður tölvubréf sent til skráðra barna.

Fræðslugjald vegna fermingarfræðslu er innheimt einu sinni yfir veturinn kr. 21.830. gjaldið fylgir gjaldskrá Prestafélags íslands.
Að auki er innheimt gjald fyrir fermingarferðalag í Vatnaskóg var síðast 20.700 og fyrir hreinsun á fermingarkirtli kr. 3000.

Við hefjum fræðsluna á fjögurra daga lotu í september, því næst hittumst við mánaðarlega þar til í febrúar þegar við förum saman heila helgi í Vatnaskóg.  Að auki verða foreldrafundir  og samverur til undirbúnings fermingarathöfnunum.
Þess er ennfremur óskað að einhver fullorðin komi reglulega með barnið til helgihalds kirkjunnar í vetur.
Við biðjum um samstarf við ykkur fjölskyldunar að þið hjálpið börnunum að setja þessi örfáu skipti í forgang svo þau fái sem allra mest út úr fræðslunni og samverunni í vetur.
Dagsetningar fram í mars er að finna hér :
5. september kl. 17-19
6. september kl.17-19
7. september kl. 17-19
8. september kl. 17-19
Allar fjórar samverurnar enda með máltíð.  
 
11. september kl. 11 messa í Langholtskirkju og stuttur foreldra fundur að messu lokinni.
 
3. október kl. 17-19
1. nóvember kl. 17-19
5. desember kl. 17-19
16. janúar kl. 17-19
 
3.-5. febrúar ferðalag í Vatnaskóg.
Eftir áramót verður einnig foreldrafundur og samverur til undirbúnings fermingarathöfnunum sem boðað verður til síðar.

Fermingardagar 2023 eru :

Pálmasunnudagur
Skírdagur
Sumardagurinn fyrsti

Ekki er nauðsynlegt að vera búin að ákveða dag við skráningu, öll fá þá daga sem valdir eru, þá daga sem þarf verða tvær athafnir sama daginn.

Þau sem hyggjast taka þátt eru beðin um að skrá sig : SKRÁNINGARBLAÐ

Hlökkum til að eiga samleið næsta vetur !

Kær kveðja

Guðbjörg Jóhannesdóttir sóknarprestur

Fyrirspurnum skal beint í netfangið: gudbjorg@langholtskirkja.is