Fermingarfræðslan verður kennd í lotum en gert ráð fyrir að börnin mæti jafnt og þétt í messur yfir veturinn, frá og með 10. september.

VIð hefjum fræðsluna á fjögurra daga lotu um miðjan september þar sem kennt verður í fjögurra daga lotu. Síðan verður fræðsla einn þriðjudag í mánuði fram að fermingu. Farið verður einn sólahring í Vatnaskóg þann 30. október og gist yfir nótt.

Þar sem við höfum lagt okkur fram við að hafa fræðsluna sem skilvirkasta og tímana sem fæsta þá biðjum við ykkur um að hjálpa börnunum að setja fermingarfræðslutímana í forgang svo börnin fái sem mest út úr samverunni í vetur.

Mikilvægasti hluti fermingarundirbúningsins er þátttaka í helgihaldi kirkjunnar og setjum við hverju barni að mæta að minnsta kosti í 10 messur yfir veturinn, en það má líka gjarnan mæta oftar :). Fermingarbörnin munu að auki taka þátt í messuþjónustu einn sunnudag yfir veturinn og munu þau skrá sig á dag sem hentar þeim.

Um leið áréttum við mikilvægi þess að einhver fullorðinn komi reglulega með barnið til helgihalds, við hvetjum ykkur til að virkja fjölskylduna, skírnarvotta, afa og ömmur, frænkur og frændur til að koma með barninu til messu, einnig geta foreldrar skipst á að koma með nokkra krakka.

Messað er alla sunnudaga í Langholtskirkju kl. 11 og boðið upp á léttan hádegisverð eftir messu.