Messa og sunnudagaskóli 25. október kl. 11

Allir eru velkomnir til messu sunnudaginn 25. október kl. 11. Sr. Jón Dalbú Hróbjartsson predikar og þjónar fyrir altari. Vera Hjördís Matsdóttir sækir kirkjuna heim og syngur einsöng á vegum Söngskólans í Reykjavík. Hún leiðir einnig safnaðarsöng ásamt systur sinni Hafdísi Matsdóttur og móður þeirra Halldóru Eyjólfsdóttur. Jón Stefánsson organisti spilar undir og messuþjónar aðstoða við messuhald.
Jóhanna, Snævar og Esja stýra sunnudagaskólanum á sama tíma og að þessu sinni verður haldið upp á alþjóðlega bangsadaginn og allir bangsar boðnir sérstaklega velkomnir til kirkjunnar. Kaffi, djús og kex eftir stundina.