Aðalfundur Kvenfélags Langholtssóknar verður haldinn 1. febrúar næstkomandi kl. 20 í safnaðarheimili Langholtskirkju.
Kosið verður í stjórn og farið yfir störf félagsins á liðnu starfsári.
Dagskráin fyrir kvöldið er spennandi og góðir gestir sækja félagið heim. Þórunn Eva Taba kemur og segir frá glútenfríu matarræði og Anna Þóra Paulsdóttir guðfræðingur flytur erindi úr BA ritgerð sinni sem fjallar meðal annars um kvenfélagið og ber titillinn „Konur í kirkju“.
Auk þess verður kynnt hvað er á döfinni á vorönn hjá félaginu enda margir spennandi viðburðir framundan. Veitingarnar verða ekki af verri endanum en boðið verður upp á rauðvín og osta.
Félagskonur eru hvattar til að fjölmenna og eiga saman skemmtilega kvöldstund í góðum félagsskap.