Messuform og textar

Messuform og textar

Í vetur erum við að gera tilraun með messuform og lestra sunnudagsmessunnar, en hefðbundin sunnudagsmessa er að jafnaði alla sunnudaga vetrarins utan einn en þá er fjölskyldumessa.

VIð byrjum ávallt öll saman í kirkjunni en eftir messuupphaf fara sunnudagaskólabörnin með sunnudagaskólakennurunum yfir í safnaðarheimilið.

Messurnar eru 45 mínútur og er formið einfalt, lesnir eru tveir ritningartextar eru valdir af Lúthersku kirkjunni í Bandaríkjunum. Um er að ræða lestrarröð sem tekur fjóra vetur að fara í gegnum og rekja lestarnir sig í gegnum Biblíuna frá sköpun til frumkirkjunnar.
Hér er hlekkur á textaraðirnar : Narrative Lectionary.

Í hverri messu leiðir einhver kóra kirkjunnar sönginn og flytur okkur einnig eitthvað fallegt.

Árni Heiðar organisti stýrir tónlistarstarfinu og er organisti en sem fyrr sér Bryndís kórkennari Kórskólans um undirleik í Fjölskyldumessunum. Að auki spila Þorvaldur Örn Davíðsson og Birna Kristín Ásbjörnsdóttir í messum stöku sinnum.

Altarisgangan er fyrir öll börn og fullorðin og notum við óáfengt vín. Stundum breytum við þó til og höfum blessun þar sem öll eru einnig boðin velkomin.

Undir eftirspili er velkomið að kveikja á kerti á bænastandi í kór kirkjunnar.

Messuþjónar aðstoða við undirbúning og þjónustu í messunni auk Aðalsteins kirkjuvarðar. Ef þú gætir hugsað þér að taka þátt í messuþjónustunni þá endilega hafðu samband s. 7891300 eða langholtskirkja@langholtskirkja.is

Eftir messuna hittum við sunnudagaskólabörnin í safnaðarheimilinu þar sem heitt er á könnunni og djús fyrir börnin.

Vertu velkomin/n og endilega láttu okkur vita hvernig þér líkar breytingarnar.