Skráning í Krúttakór Langholtskirkju hefst fyrir veturinn 2017 -2018

Skráning í Krúttakór Langholtskirkju hefst fyrir veturinn 2017 -2018

  • Date: 09 Aug 2017 • 10:00–
  • Venue: Langholtskirkja
  • Location: Reykjavík

Skráning í Krúttakór Langholtskirkju hefst 9. ágúst á heimasíðu Langholtskirkju undir “starfið -> kórar -> krúttakór “. Síðustu ár hafa færri komist að en vilja en hámarksfjöldi í hverjum hóp er 25 börn. Því er mikilvægt að skrá áhugasöm börn sem allra fyrst.

Krúttakór Langholtskirkju er ætlaður söngfuglum á aldrinum fjögurra til sjö ára. Æfingar fara fram einu sinni í viku og endar hver önn á tónleikum. Kórinn syngur einu sinni á önn í fjölskyldumessum í kirkjunni og á jóla- og vortónleikum. Kórinn tekur til starfa fyrstu vikuna í september og æfir alla mánu- og miðvikudaga til vors. Börnunum er skipt í hópa eftir árgöngum og því miður er ekki hægt að breyta út frá þeirri reglu.

Stjórnendur Krúttakórsins veturinn 2017 – 2018 eru Ragnheiður Sara Grímsdóttir og Auður Guðjohnsen. Kennslugjald er 23.000 kr. fyrir hverja önn fyrir börn fædd árin 2012 og 2013. Kennslugjald fyrir börn fædd árið 2011 er kr. 25.000 og foreldrar þeirra geta nýtt sér frístundakort Reykjavíkurborgar. Kennslugjald stendur undir launum stjórnenda.

Öllum fyrirspurnum er svarað í gegnum netfangið kruttakorinn@gmail.com.

 

13161755_10153698461624576_8133055202666809518_o